Районта çулсеренех иртекен техника тĕрĕслевĕсем малалла пыраççĕ. «Слава картофелю» агрофирма» хыççăн «Искра» колхозри механизаторсем хăйсене шанса панă техникăна тĕрĕслеве тăратнă. Комисси кустăрмаллă 10, гусеницăллă 3 трактора, 10 прицепа тĕрĕсленĕ. Пĕчĕк кăлтăксем пулсан та, вĕсем кунти техника юсавлăхĕ тĕлĕшĕнчен япăх мар пулнине палăртнă. Çанталăк условийĕсене пăхмасăрах пĕтĕм прицепсен борчĕсене улăштарнă, сăрланă. Вĕсем çине çиелтен пăхсан вĕр-çĕнĕ темех пулать. Районти ытти ял хуçалăх предприятийĕсен те тракторсемпе прицепсене тĕрĕслев витĕр кăларма хатĕрленсе çитмелле.