«АПК аталанăвĕ» наци проекчĕ паракан çăмăллăхсемпе районта туллин усă кураççĕ. Перекет банкĕпе «Россельхозбанкран» халăх талма пĕлмест. Кăçал çак вăхăт тĕлне пурĕ 313 хуçалăх 49 миллион та 467 пин тенкĕлĕх çăмăллăхлă кредит илнĕ. Çав шутран перекет банкĕнчен - 125 хуçалăх 16 миллион та 637 пинлĕх, «Россельхозбанкран» - 188 хуçалăх 32 миллион та 830 пин тенкĕлĕх.

Перекет банкĕнчен кредит илессипе Кивĕ Вăрмар, Чулкас ял тăрăхĕсем аван ĕçленине палăртмалла. «Россельхозбанкран» - Тикашпа Кĕтеснер ял тăрăхĕсенче пурăнакансем ытларах илнĕ. Çак укçа-тенкĕпе выльăх-чĕрлĕх усрама çĕнĕ хуралтăсем çĕкленессе, вĕсенче ăратлă выльăх сасси илтĕнессе шанас килет. Харпăр хăй хушма хуçалăхне аталантарма паракан çăмăллăхлă кредит илесси малалла пырать.